2012-yil 20-mart kuni soat kunduzgi soat 11:02 da (Toshkent vaqti bilan kechki 11:02) Meksikaning g‘arbida – Oaxaka shahrida kuchli zilzila yuz berdi. Bu haqda "The Wall Street Journal” nashri xabar berdi. ?

AQSh Geologik tadqiqotlar markazining xabar berishicha, zilzilaning magnitudasi 7,4 ballni tashkil qilgan. Meksikaning o‘zi esa zilzila kuchini 7,8 ball deb ko‘rsatmoqda.

Meksika prezidenti Felip Kalderon o‘zining Twitter-akkaunti orqali yer silkinishi natijasida jiddiy zararlar ko‘rilmaganini ta’kidlab o‘tgan.

"Associated Press” agentligining xabar berishicha, zilzila paytida AQSh prezidenti Barak Obamaning 13 yoshli qizi Malia Obama ham Meksikada ta’tilda bo‘lgan. So‘nggi olingan ma’lumotlarga ko‘ra, prezidenting qiziga hech qanday jarohat yetmagan.

Hozircha halok bo‘lganlar yoki jiddiy jarohat olganlar haqida biror rasmiy ma’lumot yo‘q.