Menyular
So'rovlar
Statistika
Aloqa
|
Mini-chat
Ob - Havo
Valyuta kursi
Поиск
Главная » 2012 Апрель 6 » Internetga fayl yuklash, oson, bepul !!!
17:58 Internetga fayl yuklash, oson, bepul !!! | |
 Yandeks internet-kompaniyasi 5-aprel kuni o‘zining bulutli servisini ishga tushirdi. Yangi servis "Yandeks.Disk” deb nomlanib, u foydalanuvchilarga o‘z fayllarini "bulutda”, ya’ni kompaniyaning olisdagi serverlarida saqlash imkoniyatini beradi.
[ ?] "Yandeks.Disk” servisida xohlagan formatdagi fayllarni, jumladan musiqa, rasm, film va hujjatlarni saqlash mumkin. Bunda, har bir foydalanuvchiga 10 gigabayt joy bepul taqdim qilinadi.  "Yandeks.Disk” servisida joylashgan fayllarga kompyuterdan yoki mobil qurilmalardan kirish mumkin. Buning uchun qurilmaning internetga ulangan bo‘lishi kifoya. Bundan tashqari, serverda joylashgan fayllaringizni o‘z do‘stlaringizga ham ulashishingiz mumkin. "Yandeks.Disk” bilan ishlash uchun Windows va Mac OS X operatsion tizimlari uchun alohida dastur ishlab chiqilgan. Android va iOS qurilmalari egalari esa "Yandeks.Pochta” ilova-dasturi orqali undan foydalanishlari mumkin. "Yandeks.Disk”dan veb-brauzer orqali ham foydalanish mumkin. Agarda siz Yandeks’ning elektron pochta xizmatidan foydalansangiz, u holda xatlar bilan birga ilova qilib yuborilgan fayllar ham "Yandeks.Disk”da saqlanadi. Buning uchun servisdan alohida joy ajratiladi. Yandeks kelajakda "Yandeks.Disk”ni o‘zining boshqa servislari bilan ham bog‘lashni rejalashtirmoqda. Hozirda "Yandeks.Disk” beta-sinov davrida bo‘lib, undan foydalanish faqatgina taklifnoma orqali amalga oshirilmoqda. Servisdan foydalanmoqchi bo‘lsangiz, disk.yandex.ru saytiga kirib, u yerga o‘zingizning elektron pochtangizni qoldiring. Eslatib o‘tamiz, Yandeks kompaniyasining yana bir fayl-xosting servisi mavjud bo‘lib, u "Yandeks.Narod” deb nomlangan. Unda har bir foydalanuvchiga 5 gigabayt joy ajratiladi. Biroq, "Yandeks.Disk”dan farqli o‘laroq, "Yandeks.Narod” servisida fayllarni turli qurilmalar orqali sinxronizatsiya qilish imkoniyati yo‘q. Ha, aytgancha, "Yandeks.Disk”dan ro‘yxatdan o‘tganingizdan so‘ng sizga 10 gigabayt joy birdaniga berilmaydi. Boshlanishiga foydalanuvchiga faqatgina 3 gigabayt joy ajratiladi. Agarda kompyuteringizga "Yandeks.Disk” dasturini o‘rnatsangiz, keyin yana 3 gigabayt joy qo‘shiladi.  Undan so‘ng, kompyuteringizdan kamida ikkita faylni servisga yuklab, do‘stlaringizga ham yangi servis haqida xabar yuborganingizdan keyin, har bir ishingiz uchun yana 2 gigabaytdan joy qo‘shiladi. Shunday qilib, bulutli servisdan 10 gigabayt joyga ega bo‘lasiz. | |
|
| |
| Всего комментариев: 0 | |